શ્રેષ્ઠ ગુજરાતી બ્લૉગના સર્વેનું પરિણામ ,

વિનય ખત્રીએ પોતાના બ્લૉગ Funngyan.comના ઉપક્રમે એક સર્વે કર્યો હતો. ગુજરાતી બ્લૉગરો અને બ્લૉગ વાચકોને ખૂબ ઉપયોગી થાય એવા સર્વેક્ષણનાં રિઝલ્ટ્સ આવી ગયાં છે.

આ સર્વેક્ષણમાં કુલ ૧૯૨ વાચકોએ ભાગ લઈને કુલ ૨૪૩ બ્લૉગને બધું મળીને ૧૨૫૩ મત આપ્યા છે. ડુપ્લિકેટ તથા અધૂરા મત બાદ કર્યા પછી ૧૧૬૦ મત ગતણરીમાં લેવામાં આવ્યા છે. 

આ સર્વે વિનય ખત્રી દ્વારા કરવામાં આવ્યો હોવાથી એમના બ્લૉગ Funngyan.comને ૧૯૨માંથી ૫૨ મત મળ્યા હોવા છતાં યાદીમાં એનો સમાવેશ નથી. આ ઉપરાંત વિનય ખત્રી જે બ્લૉગના ઓફિશ્યલ કર્તાહર્તા છે તે ‘ભેળપૂરી’ના લેખક સૌરભ શાહના બ્લૉગ saurabh-shah.comને ૧૯૨માંથી ૩૨ મત મળ્યા છે પણ યાદીમાં એ બ્લૉગનો પણ સમાવેશ નથી થયો. કોઈ પણ સર્વેક્ષણની તટસ્થતા માટે આટલી તકેદારી રાખવી અનિવાર્ય ગણાય. વિનય ખત્રીએ દાખવેલી આ પારદર્શકતા સરાહનીય છે.

સૌથી પહેલા સ્થાને Readgujarati.com આવે છે. ભેળપૂરીમાં મૃગેશ શાહના આ બ્લૉગ વિશે તમે પરિચય મેળવી ચૂકયા છો. ૧૯૨માંથી ૫૯ મત આ બ્લૉગને મળ્યા છે.

દ્વિતીય સ્થાને લોકપ્રિય કટારલેખક, જય વસાવડાના Planetjv.wordpress.com આવે છે. ૧૯૨માંથી ૫૫ મત એમને મળ્યા છે. આ બ્લૉગનો વિશેષ પરિચય ‘ભેળપૂરી’માં હવે આવશે.

ત્રીજા સ્થાને aksharnaad.com છે. ૧૯૨માંથી ૪૬ મત.

ચોથા સ્થાને kartikm.wordpress.com છે. કાર્તિક મિસ્ત્રીના આ બ્લૉગનો પરિચય ભેળપૂરીમાં તમને મળી ગયો છે. ૧૯૨માંથી ૩૯ મત છે.

પાંચમા સ્થાને લયસ્તરોડૉટકૉમ (laystro.com) છે. ૧૯૨માંથી ૩૧ મત.

આ પાંચ બ્લૉગ પછીની યાદી આપને જણાવતાં પહેલાં એક વાત. બ્લૉગમાં માત્ર પોતાનાં લખાણો મુકાય અને ગુજરાતી ભાષાનાં ઉત્તમ સાહિત્યકારોનાં લખાણો પણ મુકાય. વિવિધ લેખો-કવિતાનું ચયન કરનારા બ્લૉગની લોકપ્રિયતા મૌલિક લેખો જ પોસ્ટ કરતા બ્લૉગ કરતાં વધારે હોવાની એ સ્વાભાવિક છે. મારા નમ્ર મત મુજબ બેઉ પ્રકારના બ્લૉગ ઉપયોગી હોવા છતાં મૌલિક પોસ્ટવાળા બ્લૉગનું મૂલ્ય વધારે જ છે. આ હિસાબે જોઈએ તો હું જય વસાવડા અને કાર્તિક મિસ્ત્રીના બ્લૉગને અનુક્રમે પ્રથમ અને દ્વિતીય સ્થાન આપું. રીડગુજરાતી તથા અક્ષરનાદ, લયસ્તરો વગેરેની યાદી અલગ બનાવીને એને અનુક્રમે પ્રથમ, દ્વિતીય, તૃતીય સ્થાન આપું.

જોકે, આ સર્વેક્ષણની નિયમાવલિ મુજબ આવા કોઈ ભેદ રાખવામાં આવ્યા નથી. માટે આપણે એ જ પ્રથાને અનુસરીશું જે સર્વેક્ષણકારે સ્વીકારી છે.

છઠ્ઠા સ્થાને ૧૯૨માંથી ૩૨ મત મેળવીને હિના પારેખનો બ્લૉગ heenaparekh.com છે. 

સાતમા સ્થાને tahuko.com છે. ૧૯૨માંથી ૨૯ મત.

આઠમા સ્થાને અધીર અમદાવાદી જેઓ ‘મુંબઈ સમાચાર’ની રવિવારની ‘ઉત્સવ’ પૂર્તિના એક ઉત્તમ કટારલેખક છે તેમનો adhir-amdavadi.com બ્લૉગ છે. ૧૯૨માંથી ૨૮ મત.

નવમા સ્થાને યશવંત ઠક્કર છે. એમના બ્લૉગ ‘અસર’ વિશે તમે ‘ભેળપૂરી’માં વાંચી ચૂક્યા છો. asaryc.wordpress.comને ૧૯૨માંથી ૨૭ મત મળ્યા છે.

દસમા સ્થાને raolji.com છે. ૧૯૨માંથી ૨૦ મત.

બાકીની યાદી આ મુજબ છે:

૧૧. cybersafar.com (18/192)

૧૨. vmtailor.com (17/192)

૧૩. niravsays.wordpress.com (૧૫/૧૯૨)

૧૪. કુલ ચાર બ્લૉગ આ સ્થાને છે:

Saksharthakkar.wordpress.com (14/192)

harshalpushkarna.blogspot.in (14/192)

jjkishor.wordpress.com (14/192)

netvepaar.wordpress.com (14/192)

૧૫. પંદરમા સ્થાને ત્રણ બ્લૉગ છે:

vanchanyatra.wordpress.com (13/192)

webgurjari.in (13/192)

rankaar.com (13/192)

૧૬. સોળમા સ્થાને પણ ત્રણ બ્લૉગ છે:

kinner-aachharya.blogspot.in (12/192).net/das/ (12/192)

spancham.wordpress.com (12/192)

૧૭. સત્તરમા સ્થાને કુલ ૪ બ્લૉગ છે:

urmisaagar.com (11/192)

shishir-ramvat.blogspot.in (11/192)

wwishkothari-gujarati.blogspot.in (11/192)

niravrave.wordpress.com (11/192)

૧૮. primavirani.wordpress.com (10/192)

દસથી ઓછા મત મેળવનારા અને ૧૯માથી ૨૫મા સ્થાને આવનારા બાકીના બ્લૉગની યાદી તમે Funngyan.com પર જોઈ શકો છો. ઉપરના તમામ બ્લૉગની તૈયાર લિન્ક પણ તમને ત્યાંથી જ મળશે.


>>>મૂળ સ્ત્રોત  : -  મુંબઈ સમાચાર