એક ફૂલ દો માલી

એક ફૂલ બે માળી ( ગુજરાતી )

પ્રસ્તુત છે લવ ટ્રાયંગલની એક એવી પ્રેમ કહાની જે રૂપેરી પરદે અમર થઇ ગઈ છે. આની વાર્તામાં શામેલ ત્રણ પાત્રો કુમુદ, SNS અને રોમિયો આજે ફેસબુકની દીવાલે દીવાલે જાણીતા નામ થઇ ગયા છે. તો આવો વધારે સમય ના વેડફતા આ ફિલ્મ જોવાનું ચાલુ કરીએ............

નોંધ : આ ફિલ્મના તમામ પાત્રો કાલ્પનિક છે અને આ ફિલ્મની વાર્તાને વાસ્તવિક જીવન સાથે કઈ સબંધ નથી અને જો કોઈ સબંધ નીકળે તો એ માત્ર અને માત્ર એક સંયોગ હોઈ શકે છે. (હ્હ્હ.......વાર્તા કેટલી પણ સાચી હોય પણ આવી નોંધ લખવી પડે નકર કાલે વધુ એક જણ કુમુદ પર દાવો કરતું આવે તો? )____________________________________________

રોજ મિત્રો સાથે ગપ્પા મારવાનું કોઈને મન થયું હશે... જેથી તેણે ફેસબુક નામનું ગામ ઈંટરનેટ પર વસાવ્યું હશે. યુગો પહેલાની વાત છે. ફેસબુક નામનું એક ખુબ જ વિશાળ ગામ ઇન્ટરનેટ નામની દુનિયામાં થઇ ગયું. આ ગામમા અનેક મિત્રોના ટોળા વસવાટ કરતા હતા જે ચીત્ર-વિચિત્ર નામોથી ઓળખાતા. જેમ કે કોઈ ટોળાનું નામ ખુશબુ ગુજરાત કી હતું, કોઈનું પાગલ લોકો કી દુનિયા, કોઈનું સમ્રાટ સમુદ્રગુપ્તનો દરબાર તો એકાદું ટોળું એવુય હતું જેનું સાચું નામ જે કઈપણ હોય પરંતુ ‘ફેસબુક ફેક સમાજ’ ના સદસ્યો એ ટોળાને ‘ઘરડાઘર’ તરીકે ઓળખતા. આ બધામાં એક ભુઈન્દ્રું ટોળું પણ હતું જેનું ઉપનામ ‘ચોક’ હતું.

‘ફેસબુક ફેક સમાજ’ !!!!  નામ સાંભળીને ચોકી ગયા ને ? જી હા આવા વિવિધ ટોળાઓના મેળાવડામાં ‘ફેસબુક ફેક સમાજ’ નામનું આગવું તરી આવે એવું એક અનોખું ટોળું પણ હતું .  જેમાં અનેક મહાન (!) સદસ્યો હતા. આ ટોળાની વિશેષતા એ હતી કે એમાં દરેક જણ પોતાના માંતાપિતાએ રાખેલા એમના નામને બાજુ પર મૂકી પોતાને ગમતું નામ પોતેજ રાખીને આ ફેસબુક નામના ગામમાં વિહરી શકતા. એમની વિશેષતા એ હતી કે તેમના ફક્ત નામ જ ‘ફેક’  હતા દિલ નહી. આ ફેક સમાજના ટોળામાં દરેક ઉમરના લોકો રહેતા હતા. બે મહિનાના બાઉ થી માંડી ને ૧૦૦ વરસના ભાભલા સુધીના તમામ ઉમરના લોકો તમને અહી જોવા મળે. તેમજ આ ટોળામાં ફક્ત મનુષ્ય જ નહી પણ પશુપંખીઓને પણ વિનામુલ્યે એન્ટ્રી અપાતી હતી. જેનો લાભ લઇ સફેદકાગડો , પોપટો , ગલુડિયુ , ઉન્દેડો  તેમજ અન્ય પ્રજાતિના જીવો આ ટોળામાં ઘુસી ગયા હતા. આમની સાથેસાથે જો કોઈ પુરુષ, જાતિપરિવર્તનનું ઓપરેશન કરાવ્યા વગર જ કોઈ સ્ત્રી સભ્યની આઈડી બનાવીને અહી આવી જાય તો પણ અહીના લોકો તેની પોસ્ટ પર જે તે છોકરીનો ફેક ફોટો જ જોઇને લાઈક તેમજ કોમેન્ટ ઝીંકી દેતા હતા. ફેસબુક ફેક સમાજના અનુભવી વડીલો આવા છોકરીઓના ફેક આઈડી બે મિનીટમાં ઓળખી જતા તો પણ એ વિષે જાજી પંચાત તેઓ કરતા નહી અને પોતાના કામથી કામ રાખતા.

આ ટોળામાં પીયુષ નામનો એક ચબરાક ટેણીયો હતો. જે એના જનમ થયાના ૨૪ વરસ થઇ ગયા પછી પણ અઢી વરસનો જ થયો હતો ! આખા ફેસબુક ગામમાં મસ્તી કરવાનો ઓસ્કર એવોર્ડ એને મળવો જોઈએ એટલી એ ફેસબુક પર મસ્તી કરતો. એને ભાભીઓના ખોળામાં બેસવાનો ગજબનો શોખ હતો. આ ટોળાનો કોઈપણ પુરુષ મેમ્બર પરણે તો આ એના લગ્નની વાડીએ જઈ નવા ભાભીને પોતાને તેડવાનું કહીને એમના ખોળામાં બેસીને જ જંપતો. અને પછી જ એના દોસ્તારને પરણવા દેતો. પણ એના દિલમાં આમ કઈ નહી હો પાછુ. આ તો બે ઘડી ગમ્મત કરતો. એના આવા કારનામાંઓને લીધે જ આ આખુ ફેક સમાજ મોજ મસ્તી કરતુ હતું. બિચારા એના પોતાના જીવનના અઢી વરસમાં બે વાર મેરેજ થઈને ચાર વાર તો એના ડિવોર્સ થઇ ગયા હતા! ને પાંચમી હારે પણ પેઢી ઉઠી જવાની છે એવા ન્યુઝ વહેતા થયા હતા તો પણ એ કઈ મનમાં ન લેતો અને બધાને હસાવે જાતો હતો. 

આ પીયુષ એ એના SNS કાકા (સોરઠનો સિકંદર) એ સ્થાપેલી કમ્પની ‘શુભ પ્રસંગે અમે પણ ઓર્ડર લઇ સીયે ’ જેને બહુધા લોકો ‘S કમ્પની’ ના નામે ઓળખતા હતા તેમાં કામ કરતો હતો. જેમાં દિવસ-રાત તનતોડ મહેનત કરીને એ કમ્પનીના ક્લાયન્ટસને ‘સેવા’ આપતો હતો. અને કમ્પનીનું નામ કેમ ‘ઉપર’ લાવવું એનાજ વિચાર એના મગજમાં ૨૪ કલાક ફરતા હતા. SNS કાકા પણ એનાથી બહુ જ ખુશ હતા. જે કમ્પનીમાં એમણે પોતાની ખુનપસીનાની મહેનત લગાવીને એને આટલી આગળ લાવી હતી તે કમ્પનીનું ભવિષ્ય ટેણીયા જેવા આ બીઝનેસના હોનહાર ગણાતા શખ્સના હાથમાં જોઈ તેઓ ધન્યતા અનુભવતા હતા. 

પણ અહી જ તેમની ભૂલ થઇ રહી હતી. SNS કાકાની S કમ્પની આટલી આગળ આવી તેમાં SNS તેમજ પીયુષ કરતા પણ જો કોઈનો વધારે ફાળો હોય તો તે આ કમ્પનીના ભૂતપૂર્વ કર્મચારીઓનો હતો. જે  બધાયને પીયુષ નામના આ ટેણીયાએ ષડયંત્ર રચી તેમજ SNS કાકાની આખો પર પટ્ટી બાંધીને ‘કોભાંડ’ આચરી કમ્પનીમાંથી વગર પીએફે બહાર કઢાવી નાખ્યા હતા. 

આ ભૂતપૂર્વ કર્મચારીઓમાં સંદીપ સાવલિયા, ભાવેશ માંડલિયા, બચું પટેલ, સેમ ત્રિવેદી , ફેસબુકનો રોમિયો , ભરત પટેલ, મિતેશ પટેલ, તેમજ બીજા પણ ઘણાય મિત્રોનો સમાવેશ થાય છે. અને આ ફેસબુકનો રોમિયો રિશ્તામાં પાછો પીયુષનો મામો લાગતો હતો. ને આને મામાને સદાય મામો જ બનાવ્યો છે. પીયુષના કમ્પનીમાં આવ્યા પહેલા આ બધાય સદસ્યો કમ્પનીના ડાયરેક્ટર શ્રી SNS સાથે ખભેખભા મળાવીને ચાલતા હતા. 

પણ એક તાલાબ કી મછલી પૂરે સમન્દર કો ખરાબ કર દેતી હે એમ S કમ્પનીને માછલી નહી પણ એક કોબ્રો નડી ગયો હતો જેના  પરિણામસ્વરૂપ આ બધાય કર્મચારીઓ S કમ્પનીમાંથી બહાર ફેકાઈ ગયા હતા. હવે S કમ્પનીમાં આ ‘કોભાંડી’ કાકા ભત્રીજાવનું જ રાજ ચાલતું હતું પણ S કમ્પનીના આ ભૂતપૂર્વ કર્મચારીઓ ય પાછા આમ ગાંજ્યા જાય એમ ન હતા. એમને  S કમ્પનીમાંથી બહાર નીકળીને પોતાની એક  નવી કમ્પની સ્થાપી. જેનું નામ સંદીપ સાવલીયાએ ‘D કમ્પની’ રાખેલ. આ બાબતની જાણ આ કાકા ભત્રીજાને થતા જેઓ ખુબ ગુસ્સે થયા હતા અને એકતરફી મનાતા પોતાના આ બીઝનેસમાં એમને હવે કટ્ટર સ્પર્ધાનો સામનો કરવો પડશે એ વિચારતા જ તેમના હાંજા ગગડી ગયા હતા. પણ સીધી સ્પર્ધામાં આ કાકા ભત્રીજા ‘D કમ્પનીવાળાવના’ સભ્યો ને પહોચી ના શકતે એ વાત આ બન્ને બરોબર જાણતા હતા જેથી કરીને તેમને કૂટનીતિ અપનાવી ‘D કમ્પની’ ના તમામ કર્મચારીઓ ‘કાંડી’ છે એવી અફવા આખા ફેસબુક ગામમાં ફેલાવવા માંડી હતી. અને દરેક કર્મચારીના માથા પર કોઈના કોઈ કાંડમાં શામિલ હોવાનું ખોટેખોટું લેબલ ચિપકાવી દીધું હતું. આવા મસમોટા કોભાંડ આ કાકા ભત્રીજા આચરી રહ્યા હતા પોતાની કમ્પની ચલાવવા.........

અહી થોડી ભૂતકાળ અર્થાત ફ્લેશબેકની વાત કરી લઈએ.

SNS અને રોમિયો કમ્પનીમાં ભલે બોસ અને કર્મચારી હોય પણ પીયુશે આ બધા ‘કોભાંડ’ આચર્યા એ પહેલા રોમિયો અને SNS સગાભાઈની જેમ રહેતા હતા .  SNS નું બોલ્યું કોઈ દી રોમિયો ઠાલે નહી અને સામે SNS પણ કોઈ ક્લાયન્ટનો ઓડર ભલે તેમને ગમે તેટલો ગમી જાય પણ જો રોમિયો એકવાર કહી દે કે મારે એ ઓર્ડર લેવાનું મન છે , તો તેઓ રોમિયાને તે ઓર્ડર ખુશી ખુશી લેવા દેતા હતા . ક્યારેક ના ન પાડતા. આવી ભાઈભંદી હતી એમની વચ્ચે.

એક દિવસની વાત છે. આ બન્ને કમ્પનીમાંથી કામ પતાવીને પોતપોતાના ઘરે જઈ રહ્યા હતા. અષાડની વરસાદી સાંજ હતી. આકાશ કાળું ડીમાંગ થઇ ગયું હતું. ક્યારેય પણ મેહુલીયો વરસી પડે એવું વાતાવરણ બની રહ્યું હતું. બન્ને જણા ફટાફટ ઘરે જવા ચાલી રહ્યા હતા ત્યાજ એક છોકરી રોમિયાથી અજાણતામાં આવીને અથડાઈ ગઈ. છોકરીના હાથમાં દરેક હિન્દી ફિલ્મમાં બતાવે છે એમ અમુક ચોપડીઓ હતી જે રોમિયો સાથે અથડાવાથી પડી ગઈ. આ પડી ગયેલી ચોપડીમાંથી એક ચોપડીનું નામ એટલું મોટું અને વિચિત્ર હતું કે રોમિયો એ બુક રસ્તામાં પડી હોવા છતાં એને ઉચ્ક્યા વગર રોડ પર ઉભા ઉભા જ તેનું નામ વાંચવામાં પડી ગયો અને  પેલી છોકરી રોમિયોને જોવામાં પડી ગઈ. ને ત્યાં આપણા SNS તે છોકરીને જોવામાં  પડી ગયા. કહે છે એ ચોપડીનું આખું નામ વાચતા રોમિયાને ટોટલ અઢી મિનીટ લાગી હતી. બુકનું નામ વાચી લીધા પછી રોમિયાની નજર પેલી છોકરી પર પડી......

જોતાવેત રોમિયાનું દિલ ધબકારા ચુકી ગયું અને ચુકે પણ કેમ નહી? એ છોકરીની સુંદરતા પર એક મસમોટો નિબંધ લખી દેવાનું મન થાય એટલી એ ખુબસુરત હતી. ગોરી તો એવી કે ફેર એન્ડ લવલીની મોડ્લું એને જોઈ લે તો જલનના માર્યા કુવે કુદી આત્મહત્યા કરી નાખે. એની કમનીય કાયા એવી કે ફૂટપટી પોતાનો માપ એકવાર ચુકી જાય પણ સર્જન હારે આની કાયામાં  એક સે.મી પણ સુધારો વધારો કરવાનો બાકી નથી રાખ્યો એવી ‘ફીલિંગ’ એને જોનારને થાય. એના  કાળાભમ્મર વાળ છેક કેળ સુધી લાંબા હતા જેને એને ચોટલામાં બાંધી રાખ્યા હતા. રોમિયો અને પેલી છોકરી બન્ને એક બીજાને જન્મો પછી મળ્યા હોય તેમ આંખમાં આંખ નાખીને જોઈ રહ્યા. ને ત્યાજ વરસાદ વરસવા માંડ્યો. બહાર સુકી ધરતી ભીજાઈ રહી હતી અને મહી જાણે જન્મોથી પ્રેમના પ્યાસા બે કોરા દિલ એકમેકને ભીજવી રહ્યા હતા. એ છોકરીનું નામ હતું કુમુદ........

(વધુ બીજી પોસ્ટમાં)

આ સંપૂર્ણ સ્ટોરી ફેસબુક નો રોમિયો ની ફેસબુક વોલ પરથી લેવામાં આવેલ છે,